ស្រុកកោះកុង ៖ ថ្ងៃព្រហស្បតិ៍ ៤កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២ ខែមករា ឆ្នាំ២០២៥ ក្រុមប្រឹក្សាស្រុកកោះកុង បានបើកកិច្ចប្រជុំសាមញ្ញលើកទី០៧ អាណត្ដិទី៤ ក្រោមការដឹកនាំដោយលោក កាយ អួយ សមាជិកក្រុមប្រឹក្សាស្រុកកោះកុង និងជាប្រធានអង្គប្រជុំ ដើម្បីពិនិត្យ និងអនុម័តលើរបាយការណ៍ប្រចាំខែធ្នូ និងប្រចាំឆ្នាំ២០២៤ និងការងារមួយចំនួនទៀត ព្រមទាំងចូលរួមដោះស្រាយបញ្ហាប្រឈម និងលើកទិសដៅការងារបន្តសម្រាប់ខែបន្ទាប់ របស់រដ្ឋបាលស្រុកកោះកុង
សមាសភាពអញ្ជេីញចូលរួមមានលោក លោកស្រីសមាជិកក្រុមប្រឹក្សាស្រុក គណៈអភិបាលស្រុក នាយក នាយករងរដ្ឋបាល អធិការ មេបញ្ជាការ នៃកងកម្លាំងទាំងបីប្រភេទ ប្រធាន អនុប្រធានការិយាល័យ អង្គភាព ចំណុះរដ្ឋបាលស្រុកកោះកុង រដ្ឋបាលឃុំទាំង៤ នៃស្រុកកោះកុង នៅសាលប្រជុំសាលាស្រុកកោះកុង។
របៀបវារៈ នៃកិច្ចប្រជុំមានដូចខាងក្រោម÷
១- មតិបើកកិច្ចប្រជុំរបស់ លោក កាយ មួយ ប្រធានអង្គប្រជុំ
២- ពិនិត្យកូរ៉ុមក្រុមប្រឹក្សាស្រុកចូលរួមកិច្ចប្រជុំ
៣- អនុម័តរបៀបវារៈ នៃកិច្ចប្រជុំ
៤- ឆ្លងពិនិត្យ និង អនុម័តលើសេចក្តីព្រាងកំណត់ហេតុកិច្ចប្រជុំសាមញ្ញលើកទី០៦ អាណត្តិទី៤ របស់ក្រុមប្រឹក្សាស្រុកកោះកុង
៥- ឆ្លងពិនិត្យ និងអនុម័តសេចក្តីព្រាងរបាយការណ៍ប្រចាំខែ - និងរបាយការណ៍ ប្រចាំឆ្នាំ២០២៤ របស់រដ្ឋបាលស្រុកកោះកុង
៦- ឆ្លងពិនិត្យ និងអនុម័តសេចក្តីព្រាងផែនការលទ្ធកម្មប្រចាំឆ្នាំ២០២៥
៧- ឆ្លងពិនិត្យ និងអនុម័តលើរបាយការណ៍ការអនុវត្តកិច្ចលទ្ធកម្មប្រចាំឆ្នាំ២០២៤
៨- ឆ្លងពិនិត្យ និងអនុម័តលើសេចក្តីព្រាងផែនការសកម្មភាព និងផែនការថវិកា ប្រចាំឆ្នាំ២០២៥ របស់ការិយាល័យប្រជាពលរដ្ឋស្រុកកោះកុង
៩- ឆ្លងពិនិត្យ និងអនុម័តសេចក្តីព្រាងផែនការថវិកាគណៈកម្មាធិពិគ្រោះយោបល់ កិច្ចការស្ត្រី និងកុមារស្រុកកោះកុងប្រចាំឆ្នាំ២០២៥
១០-ឆ្លងពិនិត្យរបាយការណ៍ប្រចាំខែធ្នូ និងរបាយការណ៍ប្រចាំឆ្នាំ២០២៤ របស់ គណៈកម្មាធិការពិគ្រោះយោបល់កិច្ចការស្ត្រី និងកុមារ ស្រុកកោះកុង
១១- បញ្ហាផ្សេងៗ
១២- ជម្រាបជូនព័ត៌មានអំពីកាលបរិច្ឆេទ និងទីកន្លែងនៃកិច្ចប្រជុំបន្ទាប់
១៣- បូកសរុបលទ្ធផលកិច្ចប្រជុំ និងមតិបិទកិច្ចប្រជុំ របស់លោកប្រធានអង្គប្រជុំ
