ថ្ងៃព្រហស្បតិ៍ ៥កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៥ ខែធ្នូ ឆ្នាំ២០២៤ លោក វ៉េត សុនីម អនុប្រធានមន្ទីរបរិស្ថានខេត្តកោះកុង បានសម្របសម្រួលដឹកនាំកិច្ចប្រជុំស្តីពី «ការការពារនិងអភិរក្សសត្វក្រពើភ្នំនិងត្រីនាគ នៅឧទ្យានជាតិជួរភ្នំក្រវាញ» ជាមួយអង្គការសត្វព្រៃ និងរុក្ខជាតិ (FF) ដែលដឹកនាំដោយលោក លូ វន្នី តំណាងអង្គការសត្វព្រៃ និងរុក្ខជាតិ រៀបចំនៅមន្ទីរបរិស្ថានខេត្តកោះកុង ។ ដែលមានសមាសភាពអ្នកចូលរួមសរុបចំនួន ៥នាក់ ។

ជាលទ្ធផលដូចខាងក្រោម ៖

១. អង្គការសត្វព្រៃ និងរុក្ខជាតិ បានបង្ហាញពីលទ្ធផលការងារក្នុងការការពារ និងអភិរក្សសត្វក្រពើភ្នំ ដែលបានអនុវត្តកន្លងមកនៅក្នុងឧទ្យានជាតិជួរភ្នំក្រវាញ ។

២. អង្គការសត្វព្រៃ និងរុក្ខជាតិ បានបង្ហាញនូវបញ្ហាប្រឈមពាក់ព័ន្ធទីជម្រក និងការអភិរក្សសត្វក្រពើភ្នំ នៅក្នុងឧទ្យានជាតិជួរភ្នំក្រវាញ ។

៣. ការអភិរក្សសត្វក្រពើភ្នំនៅក្នុងខេត្តកោះកុងមានចំនួន ៥ទីតាំង ។

៤. ក្រុមការងារបានស្នើសុំឱ្យមានការកំណត់តំបន់សេនេទិកអភិរក្ស និងការពារសត្វក្រពើភ្នំ និងត្រីនាគ ។ ៥. មន្ទីរបានស្នើសុំឱ្យខាងអង្គការសត្វព្រៃ និងរុក្ខជាតិ ផ្តល់នូវផែនទីតាំងដែលមានវត្តមានសត្វក្រពើភ្នំ និងត្រីនាគ ព្រមទាំងផលិតនូវរូបភាពសកម្មភាពអភិរក្សសត្វក្រពើភ្នំ និងត្រីនាគ មកមន្ទីរបរិស្ថាន ។

៦. មន្ទីរស្នើសុំឱ្យខាងអង្គការសត្វព្រៃ និងរុក្ខជាតិ ផ្តល់របាយការណ៍ជាប្រចាំខែមកមន្ទីរបរិស្ថាន ។