លោក អ៊ូច ទូច ប្រធានមន្ទីរ និងលោក គង់ ចន្ទថុល្ល អនុប្រធានមន្ទីរ បានចូលរួមសិក្ខាសាលាស្ដីពី កិច្ចសន្ទនាអន្តរជំនឿសាសនា ដើម្បីសុខដុមនីយកម្មសាសនានៅកម្ពុជាឆ្នាំ ២០២៤ នៅក្រោមប្រធានបទ "ការពង្រឹងភាពជាពលរដ្ឋល្អក្នុងសង្គមតាមរយៈសាសនមាគ៌ា" ក្រោមអធិបតីភាពឯកឧត្តមបណ្ឌិតចាយ បុរិន រដ្ឋមន្ត្រី ក្រសួងធម្មការនិងសាសនា ស្ថិតនៅសាលប្រជុំផ្ការំដួល ទីស្ដីការក្រសួង រាជធានីភ្នំពេញ ។
អង្គសិក្ខាសាលាមានការនិមន្ត អញ្ជើញចូលរួមពី សម្ដេចព្រះសង្ឃនាយរង ព្រះរាជាគណៈ ព្រះមេគណរាជធានីខេត្ត ឯកឧត្ដមលោកជំទាវ ជារដ្ឋលេខាធិការ អនុរដ្ឋលេខាធិការ ឯកឧត្ដមលោកជំទាវ ជាអភិបាលរង នៃគណៈអភិបាលរាជធានី ខេត្ត២៥ លោក លោកស្រី ប្រធានមន្ទីរ អនុប្រធានមន្ទីរ ២៥រាជធានីខេត្ត ថ្នាក់ដឹពាហិរសាសនា មានគ្រឹស្ទសាសនា ឥស្លាមសាសនា ។
សិក្ខាសាលាមានគោលបំណងអភិវឌ្ឍ និងពង្រឹងសុខភាពសង្គម និងវិជ្ជាជីវៈរបស់ប្រជាជនកម្ពុជា តាមរយៈការជម្រុញពីអត្ថន័យនៃសាសនា និងវិនិយោគក្នុងការអភិវឌ្ឍន៍ផ្លូវការក្នុងសង្គម។
ប្រធានបទនេះនឹងផ្តោតលើការបង្កើត និងការពង្រឹងភាពជាពលរដ្ឋល្អក្នុងសង្គមដោយប្រើប្រាស់ធនធាន និងវិធីសាស្ត្ររបស់សាសនានៅក្នុងការអភិវឌ្ឍសង្គម។ គោលបំណងនៃសិក្ខាសាលាគឺដើម្បីផ្សព្វផ្សាយអំពីការបង្កើតកិច្ចសន្ទនាអន្តរជំនឿសាសនាដែលអាចជួយការពារសង្គមពីការប្រឆាំង និងបង្កើនការសន្តិភាពក្នុងសង្គមកម្ពុជាក្រោមបរិបទកម្ពុជា។
សិក្ខាសាលានេះនឹងផ្តល់ឱកាសសម្រាប់ការបន្តការជជែកគ្នា ដើម្បីធ្វើឲ្យពលរដ្ឋមានការយល់ដឹងពីតួនាទីរបស់ពួកគេក្នុងការសាងសង់សង្គមថ្មីដែលមានសុខភាព និងភាពរីកចម្រើនផ្អែកលើគោលការណ៍សាសនាដែលសមរម្យ៕
ថ្ងៃទី៥ ខែធ្នូ ឆ្នាំ២០២៤
