លោក ហួ ងី អនុប្រធានមន្ទីរផែនការខេត្តកោះកុង តំណាងលោក ជា ស៊ីវត្រា ប្រធានមន្ទីរផែនការខេត្ត អញ្ជើញ ជាគណៈអធិបតីបើកវគ្គបណ្ដុះបណ្ដាលមន្រ្តីសម្ភាសន៍ស្ដីពី “ការប្រមូលទិន្នន័យអង្កេតកសិកម្មកម្ពុជា ឆ្នាំ២០២៤ “
ព្រឹកថ្ងៃទី១៨ ខែវិច្ឆិកា ឆ្នាំ២០២៤ លោក ហួ ងី អនុប្រធានមន្ទីរផែនការខេត្តកោះកុង តំណាងលោកប្រធានមន្ទីរ អញ្ចើញជាគណៈអធិបតីបើកវគ្គបណ្ដុះបណ្ដាលមន្រ្តីសម្ភាសន៍ស្ដីពី “ការប្រមូលទិន្នន័យអង្កេតកសិកម្មកម្ពុជា ឆ្នាំ២០២៤ ” ដែលរៀបចំដោយវិទ្យាស្ថានជាតិស្ថិតិ ក្រសួងផែនការ សហការជាមួយក្រសួងកសិកម្ម រុក្ខាប្រមាញ់ និងនេសាទ និងទទួលបានការឧបត្ថម្ភគាំទ្រ ពីអង្គការស្បៀងនិងកសិកម្មនៃសហប្រជាជាតិប្រចាំកម្ពុជា (FAO) ក្នុងគោលបំណងដើម្បីធ្វើបច្ចុប្បន្នភាពទិន្នន័យស្ថិតិវិស័យកសិកម្មឱ្យកាន់តែសម្បូរបែប សម្រាប់ជាធាតុចូលក្នុងការរៀបចំផែនការយុទ្ធសាស្ត្រអភិវឌ្ឍន៍ជាតិ និងគោលដៅអភិវឌ្ឍន៍ប្រកបដោយចីរភាពឆ្នាំ២០៣០ ។ វគ្គបណ្តុះបណ្តាលនេះមានរយៈពេល ៥ថ្ងៃ គិតចាប់ពីថ្ងៃទី១៨ ដល់ថ្ងៃទី២២ ខែវិច្ឆិកា ឆ្នាំ២០២៤ នៅសាលប្រជុំមន្ទីរផែនការខេត្តកោះកុង។
