រដ្ឋបាលខេត្តកោះកុង

លោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ បានទទួលស្វាគមន៍ គណៈប្រតិភូក្រុមហ៊ុនវិនិយោគមកពីខេត្តកងស៊ី នៃប្រទេសចិន ដែលមកទស្សនកិច្ចនៅក្នុងមូលដ្ឋានស្រុកបូទុមសាគរ និងសិក្សាស្រាវជ្រាវការងារមួយចំនួនក្នុងស្រុក។ថ្ងៃនេះជំនួសមុខឱ្យថ្នាក់ដឹកនាំ និងក្នុងនាមខ្ញុំបាទ ព្រមទាំងសហការីទាំងអស់នៅទីនេះ ពិតជាមានសេចក្តីសោមនស្សរីករាយយ៉ាងក្រៃលែង និងសូមសម្តែងនូវការស្វាគមន៍យ៉ាងកក់ក្តៅ ចំពោះវត្តមានរបស់ ប្រតិភូទាំងអស់ ដែលបានចំណាយពេលវេលាដ៏មមារញឹក និងមានតំលៃ អញ្ជើញមកបំពេញទស្សនកិច្ចនៅស្រុកបូទុមសាគរ ក្នុងគោលបំណង ធ្វើទស្សនកិច្ចសិក្សាស្វែងយល់ពីសក្តានុពលផ្សេងៗ និងពិភាក្សាការងារ ស្តីពីគម្រោងដឹកជញ្ជូន និងកំពង់ផែរ វិស័យទេសចរណ៍ ម្ហូបអាហារ វិស័យសុខាភិបាល ជាដើម។ល។ នៅទូទាំងស្រុកបូទុមសាគរ នៃខេត្តកោះកុង។ជំនួសមុខឱ្យថ្នាក់ដឹកនាំស្រុកប្រជាពលរដ្ឋនៅក្នុងស្រុកទាំងអស់ និងក្នុងនាមខ្ញុំបាទផ្ទាល់ ខ្ញុំពិតជាមានសេចក្តីត្រេកអរ រីករាយ ចំពោះការចាប់អារម្មរណ៍ក្នុងការមកធ្វើទស្សនកិច្ចស្រុកបូទុមសាគរយើងខ្ញុំ និងសូមគាំទ្រ លើកទឹកចិត្ត ជ្រោមជ្រែងអស់ ពីលទ្ធភាព ចំពោះគោលបំណងក្នុងការធ្វើការវិនិយោគលើវិស័យផ្សេងៗ ដើម្បីឱ្យស្រុកបូទុមសាគរយើងខ្ញុំ កាន់តែរីកចម្រើនលើគ្រប់វិស័យ ជាបន្តបន្ទាប់បន្ថែមទៀតនាពេលអនាគត៕

ប្រភព:រដ្ឋបាលស្រុកបូទុមសាគរ

===================

ថ្ងៃសុក្រ ១៥កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៤ វេលាម៉ោង១១:០០នាទីព្រឹក