កាលពីវេលាម៉ោង៨:០០នាទីព្រឹក លោក ង៉ែត ឡឹង ប្រធានមន្ទីរអប់រំ យុវជន និងកីឡាខេត្ត បានអញ្ជើញជាគណអធិបតីក្នុងពិធីចែកបណ្ណសរសើរ ដល់សិស្សានុសិស្ស នៅសាលាបឋមសិក្សាស្មាច់មានជ័យ ពីចំណាត់ថ្នាក់លេខ១ ដល់លេខ៥ ក្នុងនោះផងដែរលោកប្រធានក៏បានធ្វើកិច្ចសំណេះសំណាលជាមួយលោកគ្រូ-អ្នកគ្រូ សិស្សានុសិស្ស និងសមាសភាពចូលរួមទាំងអស់ប្រកបដោយក្តីសោមន្សរីករាយ លោកប្រធានមន្ទីរអប់រំ ក៏បានប្រគល់លិខិតថ្លែងអំណរគុណដល់សប្បុរសជនកិត្តិយស និងបានជួយឧបត្ថម្ភ របងសាលា ១៥០ម ម៉ាស៊ីនបញ្ចាំង (projector)១គ្រឿង និងកុំព្យូទ័រចំនួន ៣គ្រឿង ដល់សាលា។ ក្នុងនោះសមាសភាពចូលរួម មានគណ:កម្មការសាលា លោកគ្រូអ្នកគ្រូ អ្នកចូលរួមសរុបប្រមាណ១៥០នាក់។
ថ្ងៃអាទិត្យ ២រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៧ ខែវិច្ឆិកា ឆ្នាំ២០២៤
អត្ថបទដោយ៖ ឡុច ភារុន
