រដ្ឋបាលខេត្តកោះកុង

លោក ម៉ែន ឈា សមាជិកក្រុមប្រឹក្សា បានដឹកនាំកម្លាំងប៉ុស្តិ៍នគរបាលរដ្ឋបាលតាតៃក្រោម បានចុះបើកវេទិកាសាធារណៈផ្សព្វផ្សាយអំពីគោលនយោបាយ ភូមិ.ឃុំ.សង្កាត់ មានសុវត្ថិភាពទាំង ០៧ចំនុច បានចំនួន ០១លើក ស្ថិតនៅសាលាអនុវិទ្យាល័យតាតៃ ក្នុងភូមិអន្លង់វ៉ាក់ ឃុំតាតៃក្រោម ស្រុកកោះកុង ខេត្តកោះកុង ដោយលើកយកនូវប្រធានបទសំខាន់ៗ មកផ្សព្វផ្សាយដូចខាងក្រោម ៖ ១-ផ្តល់សេវាសាធារណៈ ជាពិសេសសេវារដ្ឋបាលប្រកបដោយគុណភាព តម្លាភាព និងទទួលបានជំនឿទុកចិត្ត ២- គ្មានបទល្មើស លួច ឆក់ ប្លន់ គ្រឿងញៀន ល្បែងស៊ីសងខុសច្បាប់ និងបទល្មើសគ្រប់ប្រភេទ ៣- មានសណ្តាប់ធ្នាប់សាធារណៈល្អ ពិសេសគ្មានគ្រោះថ្នាក់ចរាចរណ៍ ៤- គ្មានអំពើអនាចារ្យ គ្មានការជួញដូរមនុស្ស ពិសេសស្រ្តីនិងកុមារ គ្មានអំពើហិង្សាក្នុងគ្រួសារ និងគ្មានក្មេងទំនើង ៥-មានអនាម័យ មានសោភ័ណភាព និងមានបរិស្ថានល្អ ៦-ប្រុងប្រយ័ត្ននិងអាវុធជាតិផ្ទុះគ្រប់ប្រភេទ ព្រមទាំងបានណែនាំប្រជាពលរដ្ឋ ដែលមានអាយុ ១៥ឆ្នាំ និងអត្តសញ្ញាណប័ណ្ណផុតសុពលភាព អោយពួកគាត់ទៅបំពេញបែបបទផ្តល់អត្ត សញ្ញាណប័ណ្ណនៅអធិការដ្ឋាននគរបាលស្រុក ប្រជាពលរដ្ឋចូលរួមសរុបចំនួន ៥០ នាក់ ស្រី ២៣ នាក់ ។