រដ្ឋបាលខេត្តកោះកុង

លោក ស្រេង ហុង អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ដឹកនាំកិច្ចប្រជុំ ដើម្បីត្រួតពិនិត្យរបាយការណ៍ប្រចាំខែឧសភា និងលើកទិសដៅការងារអនុវត្តបន្តប្រចាំខែមិថុនា ឆ្នាំ២០២០ របស់រដ្ឋបាលខេត្តកោះកុង។

លោកអភិបាលរងខេត្ត បានលើកឡើងថា កិច្ចប្រជុំនេះ ដើម្បីអោយការរៀបចំរបាយការណ៍រដ្ឋបាលខេត្តកាន់តែមានភាពសុក្រឹត នឹងកាន់តែល្អប្រសើរ មុននឹងដាក់ជូនក្រុមប្រឹក្សាខេត្តអនុម័ត ក្នុងកិច្ចប្រជុំសាមញ្ញរបស់ក្រុមប្រឹក្សា។ ជាមួយនេះដែរ សូមលោក លោកស្រី ដែលជាសមាជិកអង្គប្រជុំ ជាពិសេសអ្នកទទួលបន្ទុកការងារបូកសរុបរបាយការណ៍ សូមចូលរួមពិនិត្យ និងកែលម្អឲ្យបានគ្រប់ជ្រុងជ្រោយ របាយការណ៍របស់ខ្លួន ដោយមានការចូលរួមពីលោក លោកស្រីទាំងអស់ ដើម្បីឲ្យរបាយការណ៍របស់រដ្ឋបាលខេត្តទាំងមូល កាន់តែល្អប្រសើរបន្ថែមទៀត៕