លោក ហែម ប៊ុនសំបូរ អភិបាលរងស្រុកកោះកុង អញ្ជើញផ្តល់សម្ភារកែលម្អសួនច្បារ នៃគម្រោងសេវាសង្គម និងអនាម័យបរិស្ថាន ជូនសាលាបឋមសិក្សាវត្តត្រពាំងរូង
ស្រុកកោះកុង ៖ ព្រឹកថ្ងៃពុធ ៦រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែតុលា ឆ្នាំ២០២៤ លោក ហែម ប៊ុនសំបូរ អភិបាលរង នៃគណៈអភិបាលស្រុកកោះកុង បានដឹកនាំលោកប្រធានការិយាល័យរដ្ឋបាល និងហិរញ្ញវត្ថុ និងលោកប្រធានការិយាល័យអប់រំ យុវជន និងកីឡា ផ្តល់សម្ភារកែលម្អសួនច្បារ នៃគម្រោងសេវាសង្គម និងអនាម័យបរិស្ថាន ជូនសាលាបឋមសិក្សាវត្តត្រពាំងរូង ស្ថិតនៅភូមិដីទំនាប ឃុំត្រពាំងរូង ស្រុកកោះកុង ខេត្តកោះកុង។
