រដ្ឋបាលខេត្តកោះកុង

មន្រ្តីសុខាភិបាលខេត្តកោះកុង ៤រូបបានចូលរួមសិក្ខាសាលា ស្ដីពី ការកំណត់សូចនាករពាក់ព័ន្ធ GESI (GBV and PWDs) ដើម្បីចាប់បញ្ចូលក្នុងប្រព័ន្ធ HIS 3.1 សម្រាប់ការប្រមូល និងវិភាគទិន្នន័យ 

មានរយៈពេល២ថ្ងៃ ចាប់ពីថ្ងៃ២២ ដល់ ២៣ ខែតុលា ឆ្នាំ២០២៤ នៅសណ្ឋាគារឌីយ៉ាម៉ង់ ខេត្តកំពត

– សមាសភាពចូលរួម: 

មានចំនួន ៨ខេត្ត រួមមាន ខេត្តតាកែវ កែប ព្រៃវែង កណ្តាល សៀមរាប ពោធិ៍សាត់ ប៉ៃលិន និងកោះកុង ។

– ក្នុងនោះខេត្តកោះកុងអ្នកចួលរួមមាន:

លោក.ឌិន សុខា តំណាងមន្ទីរសុខាភិបាល

លោក.ហែម សុធាវី តំណាងមន្ទីរពេទ្យបង្អែកខេត្ត

លោក.ខែម រត្ថា តំណាងស្រុកប្រតិបត្តិស្មាច់មានជ័យ

លោក.អង្គ ឌី តំណាងមណ្ឌលសុខភាពស្ទឹងវែង

+គោលបំណងសិក្ខាសាលា

១) កំណត់និយមន័យសូចនាករ ការកត់ត្រា និងរាយការណ៍ទិន្នន័យ សមធម៌យេនឌ័រ និងបរិយាបន្នសង្គមក្នុង វិស័យសុខាភិបាល ទាំងសាធារណៈ និងឯកជន រួមមាន៖

   – អំពើហិង្សាពាក់ព័ន្ធយេនឌ័រ

   – ពិការភាព

   – ជនងាយរងគ្រោះមួយចំនួនទៀត។

២) កំណត់នីតិវិធីនៃការគ្រប់គ្រងទិន្នន័យសុខាភិបាលពាក់ព័ន្ធនឹងសូចនាករខាងលើ។

៣) ពង្រឹងការកត់ត្រាទិន្នន័យសមធម៌យេនឌ័រ និងបរិយាបន្នសង្គម ក្នុងវិស័យសុខាភិបាល។

+លទ្ធផលរំពឹងទុក៖

១) កំណត់បាន និងឯកភាពលើនិយមន័យសូចនាករអំពើហិង្សាផ្អែកលើយេនឌ័រ ក្រុមជនមានពិការភាព និង ជនងាយរងគ្រោះដ៏ទៃផ្សេងទៀត ក្នុងការបញ្ចូលក្នុងប្រព័ន្ធទិន្នន័យសុខាភិបាលឌីជីថល

២) ទទួលបានការឯកភាព លើយន្តការកត់ត្រា ការប្រមូលរបាយការណ៍

៣) កំណត់បាននូវផែនការសកម្មភាពសម្រាប់ជំហានបន្ទាប់។

ថ្ងៃអង្គារ ៥រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែតុលា ឆ្នាំ២០២៤

October 22, 2024