រដ្ឋបាលខេត្តកោះកុង

ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានអញ្ជើញចុះសួរសុខទុក្ខ សំណេះសំណាល និងចុះត្រួតពិនិត្យវឌ្ឍនភាពការងារជាមួយថ្នាក់ដឹកនាំ និងមន្ត្រីរាជការនៃមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តកោះកុង។ សមាសភាពចូលរួម ឯកឧត្តម​ គណៈប្រតិភូអមដំណេីរ​ លោក ឈេង សុវណ្ណដា អភិបាលរងខេត្តកោះកុង តំណាងដ៏ខ្ពង់ខ្ពស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង។
ឯកឧត្តមរដ្ឋមន្ត្រីបានកោតសរសើរ ព្រមទាំងផ្តល់អនុសាសន៍ល្អៗមួយចំនួនដល់មន្ទីរ ជាពិសេសលើសុវត្ថិភាពឧស្សាហកម្ម និងការលើកកម្ពស់​ សេវាផ្គត់ផ្គង់ទឹកស្អាតដោយធ្វើយ៉ាងណាឱ្យទឹកស្អាតក្លាយជាកម្លាំងជំរុញសេដ្ឋកិច្ចជនបទនៅក្នុងខេត្ត​។
បន្ទាប់ពីបានបញ្ចប់កិច្ចសំណេះសំណាល ឯកឧត្តមរដ្ឋមន្ត្រី បានផ្ដល់ជាកិត្តិយសបំពាក់គ្រឿងឥស្សរិយយសជូនថ្នាក់ដឹកនាំនិងមន្រ្តីរាជការនៃមន្ទីរ ឧ.វ.ប.ន ខេត្តកោះកុង និងថតរូបទុកជាអនុស្សាវរីយ៍ ។
=======✓✓=======
ថ្ងៃសុក្រ ១រោច ខែអស្សុជ ឆ្នាំរោង
ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៨ ខែតុលា ឆ្នាំ២០២៤