ថ្ងៃទី១៦ ខែតុលា ឆ្នាំ២០២៤ លោក ជា ស៊ីវត្រា អនុប្រធានមន្ទីរផែនការខេត្តកោះកុង បានដឹកនាំក្រុមការងារអត្តសញ្ញាណកម្មគ្រួសារក្រីក្រមន្ទីរផែនការ ចំនួន ២នាក់ សហការជាមួយរដ្ឋបាលឃុំភ្ញីមាស ស្រុកគិរីសាគរ ខេត្តកោះកុង ចុះសម្ភាសន៍ សំណាកប្រចាំត្រីមាសទី៤ និងតាមដានត្រួតពិនិត្យលើវឌ្ឍនភាពគ្រួសារក្រីក្រជិតផុតសុពលភាពដែលត្រូវធ្វើបច្ចុប្បន្នភាព ដែលបានលោតសំណើរចេញពីបញ្ចីគ្រួសារក្នុងភូមិដែលមានពណ៌ស្វាយ។ ជាលទ្ធផលបានសម្ភាសន៍ចំនួន ៥គ្រួសារ ពិនិត្យឃើញគ្រួសារផុតសុពលភាពនៅសល់មិនបានស្រង់ សរុប ៧១គ្រួសារ និងបានណែនាំការធ្វើបច្ចុប្បន្នភាព គ្រួសារផុតសុពលភាព បានសម្ភាសន៍រួចរាល់ សរុប ៨៣គ្រួសារ ទទួលបានបណ្ណសមធម៌ពីមន្ទីរផែនការ សរុប ៥៨បណ្ណ(ក្រ១:១២ ក្រ២:៤៦) នៅសល់បណ្ណដែលអនុម័តរួចរាល់ ២៥បណ្ណ បានធ្វើបច្ចុប្បន្នភាព និងសម្រេចចិត្តសម្ភាសន៍ចំនួន ១២១គ្រួសារ បដិសេធមិនសម្ភាសន៍ចំនួន ១៩គ្រួសារ សម្ភាសន៍ជាមួយក្រុមការងារឃុំក្នុងដំណើរការអនុវត្តនីតិវិធីការកំណត់អត្តសញ្ញាណកម្មគ្រួសារក្រីក្រ ត្រួតពិនិត្យថាប្លេត ដើម្បីបង្ហាញវិធីសាស្ត្រ និងនីតិវិធីការអនុវត្តគ្រួសារជិតផុតសុពលភាព តាមដានត្រួតពិនិត្យការអនុវត្តនាពេលកន្លងមក ការអនុវត្តលើថាប្លេតដើម្បីទទួលបានទិន្នន័យគ្រួសារក្រីក្របច្ចុប្បន្នភាពថ្មីៗ សម្រាប់អ្នកផ្ដល់ជំនួយ ឬសេវាផ្សេងៗ សម្ភាសន៍ ចែករំលែកបទពិសោធន៍ និងបង្ហាញជូនការប្រើប្រាស់ App-IDPoor ។