លោក សុខ ភិរម្យ អភិបាលស្រុកមណ្ឌលសីមា បានអញ្ជេីញជាអធិបតី និងដឹកនាំក្រុមការងាររួមមាន លោក ហាក់ ស៉ីម អភិបាលរងស្រុក មន្រ្តីសាលាស្រុក ក្រុមប្រឹក្សាឃុំប៉ាក់ខ្លង លោកស្រីមេភូមិចាំយាម និងសមាជិកសមាគមសម្ព័ន្ធយុវជនមុស្លិមកម្ពុជា ខេត្តកោះកុង ចូលរួមក្នុងកម្មវិធីប្រគល់ផ្ទះជូនប្រជាពលរដ្ឋចំនួន ០២ គ្រួសារ
លោក សុខ ភិរម្យ អភិបាល នៃគណៈអភិបាលស្រុក បានអញ្ជេីញជាអធិបតី និងដឹកនាំក្រុមការងាររួមមាន លោក ហាក់ ស៉ីម អភិបាលរងស្រុក លោក អ៉ិន វិជ្ជា អនុប្រធានការិ.ផែនការ និងគាំទ្រឃុំ សង្កាត់ លោក ឃួន គឹមសុង មន្ត្រីការិ.ផែនការ និងគាំទ្រឃុំ សង្កាត់ ក្រុមប្រឹក្សាឃុំប៉ាក់ខ្លង លោកស្រីមេភូមិចាំយាម និងសមាជិកសមាគមសម្ព័ន្ធយុវជនមុស្លិមកម្ពុជា ខេត្តកោះកុង ចូលរួមក្នុងកម្មវិធីប្រគល់ផ្ទះជូនប្រជាពលរដ្ឋចំនួន ០២ គ្រួសារ នៅចំណុចស៊ូរ៉ាវ វង់កាថាក់ ភូមិចាំយាម ឃុំប៉ាក់ខ្លង ស្រុកមណ្ឌលសីមា ដែលជាជំនួយរបស់អង្គការមូលនិធិអាស៊ានដេីម្បីការអភិវឌ្ឍន៍។ ក្នុងកម្មវិធីប្រគល់ផ្ទះជូនប្រជាពលរដ្ឋនេះផងដែរ លោកអភិបាលស្រុក បានផ្ដែផ្ដាំជូនម្ចាស់ផ្ទះអោយចេះថែរក្សាអនាម័យបរិស្ថានជុំវិញផ្ទះ និងរស់នៅអោយមានសណ្ដាប់ធ្នាប់ល្អ ដេីម្បីជៀសវាងបានពីជំងឺទាំងឡាយ លេីសពីនេះ លោកបានគោរពថ្លែងអំណរគុណដល់អង្គការមូលនិធិអាស៊ានដេីម្បីការអភិវឌ្ឍន៍ ដែលតែងតែយកចិត្តទុក និងគិតគូរសុខទុក្ខដល់បងប្អូនប្រជាពលរដ្ឋ ក្នុងស្រុកមណ្ឌលសីមា នាពេលកន្លងមក។
ថ្ងៃចន្ទ ១២កេីត ខែអស្សុជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៤ ខែតុលា ឆ្នាំ២០២៤ វេលាម៉ោង ៣:៣០ នាទីរសៀល
