រដ្ឋបាលខេត្តកោះកុង

នៅបញ្ជាការដ្ឋានកងរាជអាវុធហត្ថខេត្តកោះកុង លោកឧត្តមសេនីយ៍ឯក ស៊ិន សូផាន្នី មេបញ្ជាការរង កងរាជអាវុធហត្ថលើផ្ទៃប្រទេស ប្រធានផែនការងារកសាងកម្លាំង និងទំនាក់ទំនងកិច្ចការសាធារណៈ ជាប្រធានក្រុមការងារទី១ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជាអធិបតីភាព ក្នុងពិធីប្រជុំផ្សព្វផ្សាយការងារសោធននិវត្តន៍ ឆ្នាំ២០២៥ និងឆ្នាំ២០២៤ ចុះកងរាជអាវុធហត្ថខេត្តកោះកុង។ ក្នុងពិធីនេះ មានការអញ្ជើញចូលរួមពីសំណាក់ លោកឧត្តមសេនីយ៍ត្រី តាំង ឈុនស្រង មេបញ្ជាការ កងរាជអាវុធហត្ថខេត្តកោះកុង លោកឧត្តមសេនីយ៍ ស្នងការរង ស្នងការដ្ឋានកសាងកម្លាំង ក្រុមការងារអមដំណើរកងរាជអាវុធហត្ថលើផ្ទៃប្រទេស លោកមេបញ្ជាការរង នាយសេនាធិការរង ប្រធាន-អនុប្រធានមន្ទីរ នាយ-នាយរងការិយាល័យ មេបញ្ជាការក្រុង ស្រុក ស្នាក់ការសន្តិសុខ ព្រមទាំងនាយទាហាន នាយទាហានរងនៃកងរាជអាវុធហត្ថ ដល់អាយុចូលសោធននិវត្តន៍ ឆ្នាំ២០២៥ និងឆ្នាំ២០២៤ចុះ សរុបរួម ចំនួន ៧០នាក់ ស្រី០៦នាក់ (សោធននិវត្តន៍ឆ្នាំ២០២៥ និងឆ្នាំ២០២៤ចុះ ចំនួន ១៨នាក់)។ថ្ងៃសៅរ៍ ១០កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១២ ខែតុលា ឆ្នាំ២០២៤ October 12, 2024