រដ្ឋបាលខេត្តកោះកុង

នាព្រឹកថ្ងៃទី០៨ ខែតុលា ឆ្នាំ២០២៤ មន្ទីរផែនការខេត្តកោះកុង សហការ និងនាយកដ្ឋាន គណនេយ្យជាតិ វិទ្យាស្ថានជាតិស្ថិតិ នៃក្រសួងផែនការ រៀបចំបើកវគ្គបណ្តុះបណ្តាលដ៏មានសារៈសំខាន់ស្ដីពី ស្ថិតិគណនេយ្យ និងសន្ទស្សន៍ថ្លៃទំនិញប្រើប្រាស់ ក្រោយអធិបតី ឯកឧត្ដម ឃិន សុង ទីប្រឹក្សាក្រសួងផែនការ និងជាអគ្គនាយករង វិទ្យាស្ថានជាតិស្ថិតិ ព្រមទាំងមានការអញ្ជើញចូលរួមពី លោក អៀត វណ្ណា ប្រធានមន្ទីរផែនការខេត្តកោះកុង និងមន្ត្រី ពាក់ព័ន្ធមកពីបណ្ដាលមន្ទីរជុំវិញខេត្តសរុបចំនួន ៥២នាក់ ស្រី១៥នាក់ ។ វគ្គបណ្តុះបណ្តាលនេះមានគោលបំណងពង្រឹងសមត្ថភាពមន្ត្រីមន្ទីរផែនការ និងមន្ត្រីជំនាញពីមន្ទីរពាក់ព័ន្ធជុំវិញខេត្ត លើកជំនាញស្ថិតិគណនេយ្យជាតិ និងសន្ទស្សន៍ថ្លៃទំនិញប្រើប្រាស់ ដោយប្រើប្រាស់ទិន្នន័យរដ្ឋបាល ជំរឿន អង្កេត និងថ្លៃទំនិញទីផ្សារក្នុងខេត្ត ។