រដ្ឋបាលខេត្តកោះកុង

សាខាខេត្តកោះកុងសាខា កក្រកកោះកុង៖ ដោយមានការយកចិត្តទុកដាក់គិតគូរខ្ពស់អំពីសុខុមាលភាពរបស់ប្រជាពលរដ្ឋនៅតាមសហគមន៍ ក្នុងការបង្ការ ការពារជំងឺកំពុងរាតត្បាតក្នុងសហគមន៍ ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សាខាកាកបាទក្រហមកម្ពុជា ខេត្តកោះកុង ដែលមាន លោកជំទាវ មិថុនា ភូថង ជាប្រធានគណៈកម្មាធិការសាខា នៅ នៅថ្ងៃទី១៣ ខែកញ្ញា ឆ្នាំ២០២៤ បានចាត់ឲ្យលោក ឡុច ភិរ័ក្ស នាយករងសាខា ដឹកនាំក្រុមប្រតិបត្តិសាខាសហការជាមួយ ក្រុមកាកបាទក្រហមឃុំត្រពាំងរូង មណ្ឌលសុខភាព បន្តចុះផ្សព្វផ្សាយវិជ្ជាសង្គ្រោះបឋម វិធានការពារខ្លួនពីជំងឺអឹមផត(អុតស្វា) ជំងឺផ្តសាយបក្សី ជំងឺគ្រុនឈាម ដល់ប្រជាពលរដ្ឋ ក្នុងឃុំត្រពាំងរូង ស្រុកកោះកុង ខេត្តកោះកុង ដែលមានអ្នកចូលរួមសរុបសរុប៤៣ នាក់ ស្រី២៧ នាក់ ។

គោលបំណងនៃការផ្សព្វផ្សាយនេះ គឺ ដេីម្បីចូលរួមក្នុងយុទ្ធនាការ «រួមគ្នាទទួលខុសត្រូវទប់ស្កាត់ការចម្លងជំងឺរាតត្បាត»ឱ្យមានប្រសិទ្ធភាពខ្ពស់ រៀនរស់នៅតាមបែបគន្លងថ្មី ដើម្បីរួមចំណែកកាត់ផ្តាច់ខ្សែចម្លង ពីបុគ្គលម្នាក់ទៅម្នាក់ ហើយជាពិសេសចូលរួមបញ្ជៀសនូវការរាតត្បាតជាលក្ខណៈទ្រង់ទ្រាយធំនៅក្នុងប្រទេសកម្ពុជា ដោយសារតែ វីរុសបំប្លែងខ្លួនថ្មីៗ ដែលត្រូវរកឃើញដោយអង្គការសុខភាពពិភពលោកនាពេលថ្មីៗនេះ ។

ក្នុងយុទ្ធនាការនេះ ក្នុងគោលបំណងផ្សព្វផ្សាយស្តីពីវិធានការការពារខ្លួន ការលើកម្ពស់សុខភាពផ្លូវចិត្ត និងការទទួលខុសត្រូវរបស់សហគមន៍ វិជ្ជាសង្គ្រោះបឋម អោយដល់ប្រជាពលរដ្ឋនៅតាមសហគមន៍ ជាពិសេសបងប្អូនដែលជាពលករចំណាកស្រុកទៅធ្វើការនៅប្រទេសថៃ ដើម្បីអោយពួកគាត់បានយល់ដឹង និងចូលរួមទប់ស្កាត់ទាំងអស់គ្នា ។ ជាមួយគ្នានោះផងដែរក្រុមការងារក៏បានអំពាវនាវសូមអោយពុកម៉ែបងប្អូនចូលរួមគោរពច្បាប់ចរាចរណ៍ ជាពិសេសថែរក្សាសុខភាពមនុស្សជាទីស្រឡាញ់ ពិសេសមនុស្សចាស់ និងកុមារតូចៗ ព្រោះថាអាកាសធាតុចាប់ផ្តើមចុះត្រជាក់បណ្តើរៗហើយ។

ក្នុងយុទ្ធនាការនោះដែរ សាខាបានប្រើប្រាស់សម្ភាររួមមាន ៖ ផ្ទាំងផ្សព្វផ្សាយ ៤០ផ្ទាំង សាប៊ូម្សៅ៤០កញ្ចប់ ផងដែរ ៕