ថ្ងៃទី៨ ខែកុម្ភៈ ឆ្នាំ២០២៤ មន្ត្រីឧទ្យានុរក្សនៃតំបន់ប្រើប្រាស់ច្រើនយ៉ាងដងពែង ដឹកដោយលោក សន កក្កដា បានសហការជាមួយអាជ្ញាធរឃុំជ្រោយស្វាយ ចុះធ្វើយុទ្ធនាការផ្សព្វផ្សាយស្តីពី ការកាត់បន្ថយការប្រើប្លាស្ទិកក្រោមប្រធានបទ "ថ្ងៃនេះ ខ្ញុំមិនប្រើប្លាស្ទិកទេ" ស្ថិតក្នុងភូមិភ្នំស្រឡៅ និងភូមិកំពង់ស្តាំ ឃុំជ្រោយស្វាយ ស្រុកស្រែអំបិល ខេត្តកោះកុង ដែលមានប្រជាពលរដ្ឋ លោកគ្រូ-អ្នកគ្រូ សិស្សានុសិស្សសរុបចំនួន ១២០នាក់ (ស្រី ៦៥នាក់) ។ ហើយនេះជាកន្លែងដែលបណ្តាញសង្គម TikTok បានបង្ហោះកន្លងមក ឥឡូវមន្ទីរបរិស្ថានបានណែនាំមន្រ្តីឱ្យសហការជាមួយអាជ្ញាធរឃុំជ្រោយស្វាយ លោកគ្រូ-អ្នកគ្រូ សិស្សានុសិស្ស ព្រមទាំងប្រជាពលរដ្ឋទាំងអស់គ្នាដែលបានចូលរួមក្នុងយុទ្ធនាការនេះ ដើររើសថង់ប្លាស្ទិក តាមដងផ្លូវ និងមាត់ព្រែក ភូមិកំពង់ស្តាំ ឃុំជ្រោយស្វាយ ស្រុកស្រែអំបិល ។