ឯកឧត្តម រស់ សារាំ ព្រះរាជអាជ្ញា នៃអយ្យការអមសាលាដំបូងខេត្តកោះកុង បានចាត់លោកព្រះរាជអាជ្ញារង អេង ចាន់ភារ៉ា និងលោកព្រះរាជអាជ្ញារង វ៉ៃ ភីរម្យ អមដោយលោក អ៊ន ស៊ឹងទ្រី ជាក្រឡាបញ្ជី និងលោក អ៉ីវ រ៉ូស្សា អនុប្រធានលេខាធិការដ្ឋាន ចុះអធិការកិច្ចនៅពន្ធនាគារខេត្តកោះកុង ដើម្បីធ្វើការត្រួតពិនិត្យ និងផ្ទៀងផ្ទាត់បញ្ជីជនជាប់ឃុំ ស្ថានភាពជនជាប់ឃុំ និងទីកន្លែងឃុំខ្លួន។ លោកព្រះរាជអាជ្ញារង ក៏បានពិនិត្យតាមបន្ទប់ឃុំខ្លួននីមួយៗទៅតាមអគារ រោងបាយ អគារបណ្ណាល័យ ។ល។ ឃើញថា ការរៀបចំបានល្អ អនាម័យអាចទទួលយកបាន ហើយលោកព្រះរាជអាជ្ញារងក៏បានសួរសុខទុក្ខជនជាប់ឃុំផងដែរ។
ថ្ងៃចន្ទ ៣ កើត ខែជេស្ឋ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២២ ខែឧសភា ឆ្នាំ២០២៣ May 22, 2023
