រដ្ឋបាលខេត្តកោះកុង

ថ្ងៃសុក្រ ១៣កើត ខែមាឃ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី៣ ខែកុម្ភៈ ឆ្នាំ២០២៣ វេលាម៉ោង៨:០០នាទីព្រឹក រដ្ឋបាលក្រុងខេមរភូមិន្ទ បានបើកកិច្ចប្រជុំសាមញ្ញលើកទី៤៤ អាណត្តិទី០៣ របស់ក្រុមប្រឹក្សាក្រុង ក្រោមអធិបតីភាព លោក យូ មី ប្រធានក្រុមប្រឹក្សាក្រុងខេមរភូមិន្ទ ។ កិច្ចប្រជុំនេះបានដំណើរការតាមរបៀបវារ:ដូចខាងក្រោម៖

១/ ពិនិត្យ ពិភាក្សា និង អនុម័តលើសេចក្តីព្រាងរបៀបវារៈនៃកិច្ចប្រជុំសាមញ្ញលើកទី៤៤ អាណត្តិទី៣
របស់ក្រុមប្រឹក្សាក្រុងខេមរភូមិន្ទ ។

២/ ពិនិត្យ ពិភាក្សា និង អនុម័តសេចក្ដីព្រាងកំណត់ហេតុ នៃកិច្ចប្រជុំសាមញ្ញលើកទី៤៣ អាណត្តិទី៣ របស់ក្រុមប្រឹក្សាក្រុងខេមរភូមិន្ទ ។

៣/ ពិនិត្យពិភាក្សា និង អនុម័តសេចក្ដីព្រាងកំណត់ហេតុ នៃកិច្ចប្រជុំវិសាមញ្ញលើកទី១១ អាណត្តិទី៣ របស់ ក្រុមប្រឹក្សាក្រុងខេមរភូមិន្ទ ។

៤/ ពិនិត្យ ពិភាក្សា និង អនុម័តសេចក្តីព្រាងរបាយការណ៍ប្រចាំខែ មករា ឆ្នាំ២០២៣ របស់រដ្ឋបាលក្រុងខេមរភូមិន្ទ ។

៥/ ពិនិត្យ ពិភាក្សា និង អនុម័តសេចក្តីព្រាងសេចក្តីសម្រេចស្តីពីការបង្កើតគណៈកម្មការគ្រប់គ្រង គម្រោងហេដ្ឋារចនាសម្ព័ន្ធរបស់រដ្ឋបាលក្រុងខេមរភូមិន្ទ ឆ្នាំ២០២៣ ។

៦/ ពិនិត្យ ពិភាក្សា និង អនុម័ត សេចក្ដីព្រាងសេចក្តីសម្រេចស្តីពី ការបែងចែកភារកិច្ចក្រុមប្រឹក្សាក្រុង ដើម្បីជួបប្រាស្រ័យទាក់ទង ជាមួយប្រជាពលរដ្ឋ និងតាមដានការងារនានា តាមតម្រូវការរបស់ក្រុមប្រឹក្សាក្រុងខេមរភូមិន្ទ។

៧/ ពិនិត្យ ពិភាក្សា និង អនុម័ត សេចក្ដីព្រាងតារាងបែងចែកប្រាក់រង្វាន់លើកទឹកចិត្តដែលបានមកពីការ ផ្តល់សេវារដ្ឋបាលសម្រាប់ឧបត្ថម្ភជូនមន្ត្រី បុគ្គលិក មន្ទីរសេដ្ឋកិច្ច ក្រសួងមហាផ្ទៃ និង សង្កាត់ទាំង៣ សម្រាប់ខែ កុម្ភៈ ឆ្នាំ២០២៣ ។

៨/ បញ្ហាផ្សេងៗ

កិច្ចប្រជុំបានរៀបចំធ្វើឡើងនៅសាលប្រជុំសាលា ក្រុងខេមរភូមិន្ទ ។

#ប្រភពពីរដ្ឋបាលក្រុងខេមរភូមិន្ទ#