លោក សុខ សុទ្ធី អភិបាលរង នៃគណៈអភិបាលខេត្តកោះកុង អញ្ជើញចូលរួមកិច្ចប្រជុំ ពិភាក្សា ស្តីពីយុទ្ធសាស្ត្រនយោបាយព័ត៌មាន
លោក សុខ សុទ្ធី អភិបាលរង នៃគណៈអភិបាលខេត្តកោះកុង ដោយមានការអនុញ្ញាតពីលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញចូលរួមកិច្ចប្រជុំ ពិភាក្សា ស្តីពីយុទ្ធសាស្ត្រនយោបាយព័ត៌មាន ដែលរៀបចំឡើងនៅទីស្តីការក្រសួងមហាផ្ទៃ។ កិច្ចប្រជុំពិភាក្សានេះ ត្រូវបានរៀបចំឡើងដោយ អង្គភាពអ្នកនាំពាក្យរាជរដ្ឋាភិបាល និងក្រសួងមហាផ្ទៃ ដោយការបើកកិច្ចជុំពិភាក្សាប្រព្រឹត្តទៅក្រោមអធិបតីភាព ឯកឧត្តម ខៀវ កញ្ញារិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងព័ត៌មាន និងបិទកិច្ចប្រជុំក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ សមាសភាពចូលរួមកិច្ចប្រជុំនេះ រួមមាន អ្នកនាំពាក្យរបស់ក្រសួង ស្ថាប័ន អ្នកនាំពាក្យរដ្ឋបាលរាជធានី ខេត្ត និងប្រធានមន្ទីរព័ត៌មានទូទាំងប្រទេស សរុបប្រមាណ ១០០នាក់។
ថ្ងៃព្រហស្បតិ៍ ៦ រោច ខែបុស្ស ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១២ ខែមករា ឆ្នាំ២០២៣ January 12, 2023