លោកស្រី អ៉ី នារីនេត អភិបាលរង នៃគណៈអភិបាលខេត្តកោះកុង បានជួបពិភាក្សាការងារជាមួយក្រុមការងាររដ្ឋបាលព្រៃឈើ នៃក្រសួងកសិកម្ម រុក្ខាប្រមាញ់ និងនេសាទ។
លោកស្រី អ៉ី នារីនេត អភិបាលរង នៃគណៈអភិបាលខេត្តកោះកុង បានជួបប្រជុំជាមួយក្រុមការងាររដ្ឋបាលព្រៃឈើ នៃក្រសួងកសិកម្ម រុក្ខាប្រមាញ់ និងនេសាទ ដេីម្បីស្វែងយល់ និងចាត់ក្រុមការងារចុះពិនិត្យជាក់ស្តែងដល់ទីកន្លែង ដើម្បីប្រមូលព័ត៌មាន និងទិន្នន័យបន្ថែមពាក់ព័ន្ធទៅនឹងករណី ប្រជាជនតំណាងឱ្យប្រជាពលរដ្ឋចំនួន ១០០គ្រួសារ ដែលបានគោរពស្នើសូមប្រមុខរាជរដ្ឋាភិបាលកម្ពុជា ពិនិត្យសម្រេចកាត់ឈ្វៀលដីទំហំ ៤៣២,៣៥ហិកតា ស្ថិតនៅភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង ដើម្បីផ្ដល់ដីកសិកម្ម ជូនប្រជាពលរដ្ឋបានកាន់កាប់អាស្រ័យផល និងស្នេីសូមធ្វើប័ណ្ណកម្មសិទ្ធិប្រើប្រាស់ស្របតាមច្បាប់៕
ថ្ងៃពុធ ៥ រោច ខែបុស្ស ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១១ ខែមករា ឆ្នាំ២០២៣ January 11, 2023
