រដ្ឋបាលខេត្តកោះកុង

ថ្ងៃព្រហស្បតិ៍ ៤កើត ខែអស្សុជ ឆ្នាំខាល ចត្វាស័ក ពស២៥៦៦ ត្រូវនិងថ្ងៃទី២៩ ខែកញ្ញា ឆ្នាំ២០២២ លោក យូ មី ប្រធានក្រុមប្រឹក្សាក្រុងខេមរភូមិន្ទ លោក ប្រាក់ វិចិត្រ អភិបាល នៃគណៈអភិបាលក្រុងខេមរភូមិន្ទ លោកស្រី ផឹង ពិសី ចៅសង្កាត់ស្មាច់មានជ័យ សមាជិកក្រុមប្រឹក្សាសង្កាត់ និងមេភូមិ បានចូលរួមជាមួយ ព្រះលក្ខណ៍មុនី វង្ស ពិជ័យ ព្រះរាជាគណៈថ្នាក់កិត្តិយស ព្រះសមុទ្ទគង្គាមហាមុនី ព្រះមេគុណគណៈធម្មយុត្តិកនិកាយខេត្តកោះកុង ចែកអំណោយដល់កម្លាំងប៉ុស្តិ៍រដ្ឋបាលសង្កាត់ ប្រជាការពារសង្កាត់ និងប្រជាពលរដ្ឋទីទាល់ក្រមួយចំនួនដែលរស់ក្នុងសង្កាត់ស្មាច់មានជ័យ អំណោយទទួលបានក្នុង១នាក់មានអង្ករចំនួន១កូនបាវ(ចំនួន២០គីឡូរក្រាម) មី១កេះតូច មានទឹកស៊ីអ៊ីវ១ដប ទឹកត្រី១ដប ស្ករស១គីឡូរក្រាម ទឹកដោះគោ១កំប៉ុង តែ១កញ្ចប់ និងថវិកា២ម៉ឺនរៀល អំណោយទាំងនោះបានមកពីការបរិច្ចាកទេយ្យទានរបស់ព្រះលក្ខណ៍មុនី វង្ស ពិជ័យ ព្រះរាជាគណៈថ្នាក់កិត្តិយស ព្រះសមុទ្ទគង្គាមហាមុនី ព្រះមេគុណគណៈធម្មយុត្តិកនិកាយខេត្តកោះកុង និងសប្បុរសជនមួយចំនួន។
ពិធីនេះបានរៀបចំឡើងនៅសាលាសង្កាត់ស្មាច់មានជ័យ។

#ប្រភពពីរដ្ឋបាលក្រុងខេមរភូមិន្ទ#