រដ្ឋបាលខេត្តកោះកុង

អនុគណ:កម្មការដឹកនាំអនុវត្តច្បាប់ចំណុះគណ:កម្មការប្រយុទ្ធប្រឆាំងនឹងជំងឺកូវីដ-១៩ខេត្តកោះកុង រៀបចំកិច្ចប្រជុំដើម្បីពិនិត្យផែនការ សម្ភារ មធ្យោបាយ និងវិធានការ ក្នុងការបិទខ្ទប់ខេត្ត

លោក សេក សំអុល នាយករងរដ្ឋបាលសាលាខេត្ត លោក អេង ចាន់ភារ៉ា ព្រះរាជអាជ្ញារង នៃអយ្យការអមសាលាដំបូងខេត្ត និងលោកឧត្តមសេនីយ៍ត្រី ឃឹម សាណេ ស្នងការរងនគរបាលខេត្ត ជាអនុប្រធានអនុគណ:កម្មការដឹកនាំការអនុវត្តច្បាប់ តំណាងលោក សំឃិត វៀន អភិបាលរងខេត្ត ប្រធានអនុគណ:កម្មការ ដឹកនាំសមាជិកប្រជុំតាមប្រព័ន្ធអនឡាយ Zoom ដើម្បីពិភាក្សាលើរបៀបវារៈកិច្ចប្រជុំ ដូចខាងក្រោម ៖

១.ការប្រមូលធាតុចូល សម្រាប់រៀបចំផែនការសកម្មភាពរបស់ក្រុមការងារប្រតិបត្តិការនៃអនុគណ:កម្មការដឹកនាំការអនុវត្តច្បាប់៖
-សិក្សា និងដកស្រង់ផែនការសកម្មភាពរបស់អនុគណ:កម្មការដឹកនាំការអនុវត្តច្បាប់
-សិក្សា និងដកស្រង់ផែនការសកម្មភាព សេចក្តីសម្រេចនានារបស់គណ:បញ្ជាការឯកភាពរាជធានី-ខេត្តដែលបានដាក់ចេញនិងកំពង់អនុវត្តដើម្បីប្រយុទ្ធប្រឆាំងនឹងជំងឺកូវីដ-១៩
-រៀបចំផែនការប្រើប្រាស់កម្លាំង មធ្យោបាយ ឧបករណ៍ សម្ភារ បម្រើឱ្យការប្រតិបត្តិ បង្ការ ទប់ស្កាត់រាល់សកម្មភាពល្មើសច្បាប់ទាក់ទងនឹងជំងឺកូវីដ-១៩
-រៀបចំកម្លាំងដើម្បីអន្តរាគមន៍ដោះស្រាយ សភាពការណ៍ ក្នុងការអនុវត្តវិធានការរដ្ឋបាល និងវិធានច្បាប់
២.យន្តការ ឬនីតិវិធីពង្រឹងការអនុវត្តច្បាប់ ដើម្បីប្រយុទ្ធប្រឆាំជំងឺកូវីដ-១៩
៣.របៀបរបបការងារ និងការទទួលខុស ត្រូវរបស់ក្រុមការងារប្រតិបត្តិការ
៤.បញ្ហាប្រឈម និងផ្សេងៗ។

ជាលទ្ធផល កិច្ចប្រជុំត្រូវបានប្រព្រឹត្តទៅតាមការគ្រោង និងទទួលបានការចូលរួមធាតុចូលសម្រាប់ការអនុវត្តការងារបន្ត៕