សាខា កក្រក ខេត្តកោះកុង៖ នៅថ្ងៃអង្គារ ៦កើត ខែបឋមសាឍ ឆ្នាំឆ្លូវ ត្រីស័ក ព.ស២៥៦៤ ត្រូវនឹងថ្ងៃទី១៥ ខែមិថុនា ឆ្នាំ២០២១ លោក ឡុច ភិរ័ក្ស នាយករងសាខា បានដឹកនាំក្រុមប្រតិបត្តិសាខា ចំនួន ២នាក់ ស្រី ១នាក់ ចូលរួវគ្គតម្រង់ទិស ពីចម្ងាយតាមប្រព័ន្ធវីដេអូ ZOOM ស្តីពីការគ្រប់គ្រងគ្រោះមហន្តរាយ រយៈពេល១ថ្ងៃ ដោយមានការចូលរួមពីសាខាកាកបាទក្រហមកម្ពុជា ទាំង ២៥រាជធានី ខេត្ត ក្រោមការសម្របសម្រួលពីក្រុមការងារនាយកដ្ឋានគ្រប់គ្រងគ្រោះមហន្តរាយ នៃកាកបាទក្រហមកម្ពុជា ។ គោលបំណងវគ្គ ៖១-យល់ដឹងពីមុខសញ្ញាគ្រោះថ្នាក់ ភាពងាយរងគ្រោះ និងសមត្ថភាព.២-យល់ដល់ដឹងអំពីការងារគ្រប់គ្រងគ្រោះមហន្តរាយ.៣-ដល់ដឹងអំពីច្បាប់ស្តីពីការគ្រប់គ្រងគ្រោះមហន្តរាយ.៤-ដឹងពីយន្តការឆ្លើយតបគ្រោះមហន្តរាយរបស់កាកបាទក្រហមកម្ពុជា.៥-ផ្សព្វផ្សាយចំណេះដឹងបន្តទៅដល់អ្នកស្ម័គ្រចិត្ត និងសហគមន៍ងាយរងគ្រោះ។
ផ្តោតទៅលើប្រធានបទ៤សំខាន់ៗ៖
១-ការយល់ដឹងជាមូលដ្ឋានអំពីគ្រោះមហន្តរាយ,២-ការគ្រប់គ្រងគ្រោះមហន្តរាយ,៣-ច្បាប់ស្តីពីគ្រោះមហន្តរាយ,៤.យន្តការឆ្លើយតបគ្រោះមហន្តរាយរបស់កាកបាទក្រហមកម្ពុជា។