កាលពីថ្ងៃសៅរ៍ ១១រោច ខែបុស្ស ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៩ ខែមករា ឆ្នាំ២០២១ លោកស្រី សម្បូរ សុភា ប្រធានមន្ទីរ​វប្បធម៌​និងវិចិត្រសិល្បៈខេត្តកោះកុង រួមជាមួយមន្រ្តីការិយាល័យបេតិកភណ្ឌ និងសារមន្ទីរ និងឆ្មាំប្រចាំស្ថានីយ៍អូរកី បានចុះពិនិត្យមើលទីតាំងស្ថានីយអូរកី ដើម្បីគ្រោងសុំដីប្រជាពលរដ្ឋទុកធ្វើផ្លូវចូលទៅកាន់ស្ថានីយ៍ ព្រោះទីតាំងមួយនេះ ដើម្បីទៅដល់ត្រូវឆ្លងកាត់ដីប្រជាពលរដ្ឋ។ ដូច្នេះ លោកស្រីនឹងធ្វើសំណើទៅកាន់អាជ្ញាធរពាក់ព័ន្ធ ដើម្បីឱ្យពួកគាត់ ជួយសម្រួលជាមួយម្ចាស់ដី ដែលមានព្រំនៅជាប់ផ្លូវធ្វើដំណើរឡើងទៅដល់ស្ថានីយ៍ ដែលមានចម្ងាយប្រមាណ៦០០ម៉ែត្រ ពីផ្លូវលំ។​