រដ្ឋបាលខេត្តកោះកុង

លោក ចេង មុនីរិទ្ធ អភិបាល នៃគណៈអភិបាលស្រុកគិរីសាគរ បានជួបសំណេះសំណាល និងអនុញ្ញាតអោយមន្រ្ដីកសិកម្មឃុំទាំងបី (ជាមន្រ្ដីក្របខណ្ឌរបស់ក្រសួងកសិកម្មរុក្ខប្រមាញ់ និងនេសាទ) និង មន្រ្ដីកម្មសិក្សានៃមន្រ្ដីក្រមការជំនាន់ទី១១ នៃសាលាភូមិន្ទរដ្ឋបាល បានជួបសំដែងការគួរសមក្នុងការចុះមកបំពេញកម្មសិក្សានៅរដ្ឋបាលស្រុកគិរីសាគរ នឹងតាមបណ្ដាឃុំ ដោយមានការចូលរួមពីលោក សាយ ង៉ែត អភិបាលរងស្រុក លោកនាយក នាយករងរដ្ឋបាលសាលាស្រុក ប្រធានការិយាល័យ លោកមេឃុំ និងមន្រ្ដីពាក់ពន្ធ័នៃរដ្ឋបាលស្រុក នៅសាលប្រជុំសាលាស្រុកគិរីសាគរ ។
លោកអភិបាលបានមានមតិសំណេះសំណាល ជាលើកដំបូងហើយដែលរដ្ឋបាលស្រុក និងជាពិសេសឃុំមានមន្រ្ដីកសិកម្មឃុំ ហើយលោកអភិបាលបានផ្ដាំផ្ញើលោកមេឃុំទាំងបីព្រមទាំងអ្នកពាក់ពន្ធ័ចូលរួមសម្របសម្រួល លើមន្រ្ដីកសិកម្មឃុំ ដែរបានបម្រើការងារក្នុងមូលដ្ឋានយើង ដើម្បីជួយវិស័យកសិកម្មស្រុក ឃុំ ក៏ដូចជាខេត្តកោះកុងរីកចម្រើនលើវិស័យកសិកម្ម ដើម្បីលើកកម្ពស់ជីវភាពប្រជាពលរដ្ឋក្នុងមូលដ្ឋានបន្ថែម ។លោកអភិបាលស្រុក បានមានមតិមន្រ្ដីកសិកម្មឃុំ នាពេលនេះបានទទួលវគ្គបណ្ដុះបណ្ដាលពីជំនាញវិស័យកសិកម្មយ៉ាងពិតប្រាកដ នៅជិតប្រជាពលរដ្ឋ ដើម្បីចូលរួមផ្សព្វផ្សាយ នឹងផ្ដល់ជំនាញបច្ចេកទេសយ៉ាងពិតប្រាកដដល់ប្រជាពលរដ្ឋ ក្នុងមូលដ្ឋាន។

ប្រភព យ៉ាង រិទ្ធីរ៉ា

ថ្ងៃពុធ ៧រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែវិច្ឆិកា ឆ្នាំ២០២៥