រដ្ឋបាលខេត្តកោះកុង

លោក ទួន ឪទី អភិបាលរងស្រុកគិរីសាគរ និងជាអនុប្រធានប្រចាំការគណៈបញ្ជាការឯកភាពរដ្ឋបាលស្រុកគិរីសាគរ តំណាងលោក ចេង មុនីរិទ្ធ អភិបាល នៃគណៈអភិបាលស្រុកគិរីសាគរ និងជាប្រធានគណៈបញ្ជាការឯកភាពរដ្ឋបាលស្រុក បានដឹកនាំកិច្ចប្រជុំការងារចាំបាច់មួយចំនួនរបស់គណៈបញ្ជាការឯកភាពរដ្ឋបាលស្រុកគិរីសាគរ ដោយមានរបៀបវារៈដូចខាងក្រោម:
១.ផែនការការពារសុវត្ថិភាពជូនបងប្អូនភ្ញៀវទេសចរណ៍មកកំសាន្ដ ក្នុងកម្មពិធី​បុណ្យ​អុំ​ទូក បណ្ដែត​ប្រទីប និង​សំពះ​ព្រះ​ខែ អកអំបុក ឆ្នាំ២០២៥
២.បញ្ហាផ្សេងៗ
ដោយមានអញ្ជើញចូលរួមពីលោកនាយករងរដ្ឋបាលសាលាស្រុក កងកម្លាំងប្រដាប់អាវុធទាំងបី មេបញ្ជាការរងនាវា១១០៥ លោកជំទប់១ឃុំកោះស្ដេច នាយប៉ុស្តិ៍ប្រចាំការនៅកោះស្មាច់ តំណាងសហគមន៍នេសាទសម្រស់កោះស្ដេច លោកប្រធាន ការិយាល័យពាក់ពន្ធ័នៃរដ្ឋបាលស្រុក នៅសាលប្រជុំសាលាស្រុកគិរីសាគរ។

លោកអភិបាលរងស្រុក បានណែនាំសមត្ថកិច្ចពាក់ពន្ធ័គ្រប់លំដាប់ថ្នាក់ត្រៀមការពារដោយយកចិត្តទុកដាក់ខ្ពស់ ដើម្បីធានាសុវត្ថិភាពជូនបងប្អូនប្រជាពលរដ្ឋ ព្រមទាំងភ្ញៀវទេសចរណ៍ប្រកបដោយសុខសុវត្ថិភាព។ចូលរួមផ្សព្វផ្សាយពីបញ្ហាអនាម័យបរិស្ថាន ការទុកដាក់សម្រាម ការល្បាតទាំងលើដីគោក លើទឹកគ្រប់ពេលវេលា ណែនាំអោយទូកទេសចរណ៍ អូប័រពេលដឹកភ្ញៀវទេសចរណ៍សូមណែនាំពាក់ពងសុវត្ថិភាព ជាពិសេសយកចិត្តទុកដាក់លើបញ្ហាអគ្គីភ័យ(ការបាញ់កាំជ្រួច ការបង្ហោះគោម) ជាដើម ។

ថ្ងៃចន្ទ ១៣កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣ ខែវិច្ឆិកា ឆ្នាំ២០២៥