រដ្ឋបាលខេត្តកោះកុង

លោក សុប ប៉ាស្សារី អភិបាលរង នៃគណៈអភិបាលក្រុងខេមរភូមិន្ទ លោកស្រី ហ៊ីម សោភ័ណ នាយករដ្ឋបាល និងលោកស្រី ឃឹម ចាន់ដាវី ប្រធានការិយាល័យច្រកចេញចូលតែមួយ អញ្ជើញចូលរួមកិច្ចប្រជុំផ្សព្វផ្សាយ ស្តីពីការដាក់ឲ្យអនុវត្តសាកល្បងការផ្តល់ប័ណ្ណ ព្រំដែនកម្ពុជា-ថៃ។ រាជរដ្ឋាភិបាលបានសម្រេចដាក់ឱ្យអនុវត្តសាកល្បងការផ្តល់សេវាប័ណ្ណព្រំដែនកម្ពុជា-ថៃ នៅរដ្ឋបាលក្រុង ស្រុក នៃខេត្តជាប់ព្រំដែនជាមួយប្រទេសថៃ សម្រាប់រយៈពេល ៦ខែ ដោយគិតចាប់ពីថ្ងៃទី១ ខែមករា ឆ្នាំ២០២៤ ដើម្បីជំរុញការអនុវត្តតាមគោលការណ៍សម្រេចរបស់រាជរដ្ឋាភិបាលឱ្យបានលទ្ធផលល្អប្រសើរ។ កិច្ចប្រជុំប្រព្រឹត្តទៅនៅទីស្តីការក្រសួងមហាផ្ទៃ (រាជធានីភ្នំពេញ) ។
វេលាម៉ោង ២៖៣០ នាទីរសៀល ថ្ងៃព្រហស្បតិ៍ ២ កើត ខែមិគសិរ ឆ្នាំថោះ បញ្ចស័ក ពស២៥៦៧ ត្រូវនឹងថ្ងៃទី១៤ ខែធ្នូ ឆ្នាំ២០២៣។

#ប្រភពពីរដ្ឋបាលក្រុងខេមរភូមិន្ទ#