លោក យូ មី ប្រធានក្រុមប្រឹក្សាក្រុងខេមរភូមិន្ទ និងជាប្រធាន សាខាសមាគមក្រុមប្រឹក្សាថ្នាក់មូលដ្ឋានក្រុង សង្កាត់ និងសមាជិក សមាជិកាក្រុមប្រឹក្សាក្រុង ព្រមទាំងលោកស្រី ស៊ិន ចរិយា អភិបាលរងក្រុង បានអញ្ជើញចូលរួមសួរសុខទុក្ខ និងបាននាំយកថវិកាសរុបចំនួន ៥០ម៉ឺនរៀល ឧបត្ថម្ភជូនលោក សំរិត ខេន មេភូមិបឹងឃុនឆាង សង្កាត់ស្មាច់មានជ័យ
លោក យូ មី ប្រធានក្រុមប្រឹក្សាក្រុងខេមរភូមិន្ទ និងជាប្រធាន សាខាសមាគមក្រុមប្រឹក្សាថ្នាក់មូលដ្ឋានក្រុង សង្កាត់ និងសមាជិក សមាជិកាក្រុមប្រឹក្សាក្រុង ព្រមទាំងលោកស្រី ស៊ិន ចរិយា អភិបាលរងក្រុង បានអញ្ជើញចូលរួមសួរសុខទុក្ខ និងបាននាំយកថវិកាសរុបចំនួន ៥០ម៉ឺនរៀល ឧបត្ថម្ភជូនលោក សំរិត ខេន មេភូមិបឹងឃុនឆាង សង្កាត់ស្មាច់មានជ័យ ដែលមានរបួសដោយសារគ្រោះថ្នាក់ចរាចណ៍ ក្នុងពេលបំពេញភារកិច្ចចុះចែកប័ណ្ណព័ត៌មានចុះឈ្មោះបោះឆ្នោតជូនប្រជាពលរដ្ឋក្នុងមូលដ្ឋានភូមិ សង្កាត់ បច្ចុប្បន្នលោកកំពុងសម្រាកព្យាបាលនៅគេហដ្ឋាន ស្ថិតក្នុងភូមិបឹងឃុនឆាង សង្កាត់ស្មាច់មានជ័យ។
ថវិកាទាំងនោះបានមកពីការចូលរួមដូចខាងក្រោម៖
ថវិកាផ្ទាល់ខ្លួនរបស់សមាជិក សមាជិកាក្រុមប្រឹក្សាក្រុងចំនួន ៣៥ម៉ឺនរៀល
ថវិការបស់ឯកឧត្តម ពិន សាវ៉ាត ចំនួន១០ម៉ឺនរៀល និង ឯកឧត្តម អ៊ុក នឿន ចំនួន ៥ម៉ឺនរៀល ។
វេលាម៉ោង៩៖០០នាទីព្រឹក ថ្ងៃទី៦ ខែកញ្ញា ឆ្នាំ២០២៣ ។
#ប្រភពពីរដ្ឋបាលក្រុងខេមរភូមិន្ទ#
