រដ្ឋបាលខេត្តកោះកុង

ថ្ងៃព្រហស្បតិ៍ ១០កើត ខែកត្តិក ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី០៣ ខែវិច្ឆិកា ឆ្នាំ២០២២ វេលាម៉ោង៨:០០នាទីព្រឹក រដ្ឋបាលក្រុងខេមរភូមិន្ទ បានបើកកិច្ចប្រជុំសាមញ្ញលើកទី៤១ អាណត្តិទី០៣ របស់ក្រុមប្រឹក្សាក្រុង ក្រោមអធិបតីភាព លោក យូ មី ប្រធានក្រុមប្រឹក្សាក្រុងខេមរភូមិន្ទ។ កិច្ចប្រជុំនេះបានដំណើរការតាមរបៀបវារ:ដូចខាងក្រោម៖

១-ពិនិត្យ ពិភាក្សា និង អនុម័តលើសេចក្តីព្រាងរបៀបវារៈនៃកិច្ចប្រជុំលើកទី៤១។

២-ពិនិត្យ ពិភាក្សា និងអនុម័តសេចក្តីព្រាងកំណត់ហេតុ នៃកិច្ចប្រជុំសាមញ្ញលើកទី៤០អាណត្តិទី០៣ របស់ក្រុមប្រឹក្សាក្រុងខេមរភូមិន្ទ។

៣-ពិនិត្យ ពិភាក្សា និងអនុម័តសេចក្តីព្រាងរបាយការណ៍ប្រចាំខែតុលា ឆ្នាំ២០២២ របស់រដ្ឋបាលក្រុងខេមរភូមិន្ទ។

៤-ពិនិត្យ ពិភាក្សា និង អនុម័តសេចក្តីព្រាងផែនការលទ្ធកម្មកែតម្រូវប្រចាំឆ្នាំ២០២២ របស់រដ្ឋបាលក្រុងខេមរភូមិន្ទ។

៥-ពិនិត្យពិភាក្សា និង អនុម័តសេចក្តីព្រាងគម្រោងចំណូលចំណាយថវិកា ឆ្នាំ២០២៣ របស់រដ្ឋបាល ក្រុងខេមរភូមិន្ទ។

៦-ពិនិត្យ ពិភាក្សា និង អនុម័តសេចក្តីព្រាង គម្រោងសិក្ខាសាលាជាមួយក្រុមប្រឹក្សាសង្កាត់នៅថ្នាក់ក្រុងនៃរដ្ឋបាលក្រុងខេមរភូមិន្ទ។

៧-ពិនិត្យ ពិភាក្សា និង អនុម័តសេចក្ដីព្រាង សេចក្ដី សម្រេចស្ដីពីការកែសម្រួលសមាសភាពក្រុមការងារក សាងផែនការអភិវឌ្ឍន៍ ៥ ឆ្នាំ និង កម្មវិធីវិនិយោគបីឆ្នាំរំកិល របស់រដ្ឋបាលក្រុងខេមរភូមិន្ទ។

៨-ពិនិត្យ ពិភាក្សា និង អនុម័តសេចក្ដីព្រាង សេចក្តីសម្រេចស្តីពីការកែសម្រួលសមាសភាពគណៈកម្ម ការ គ្រប់គ្រងគម្រោងជួសជុលអគារធ្វើការ និងជួសជុលលូមូលរំដោះទឹកឆ្នាំ ២០២២ របស់រដ្ឋបាលក្រុងខេមរភូមិន្ទ។

៩-ពិនិត្យ ពិភាក្សា និងអនុម័តសេចក្ដីព្រាងតារាងបែងចែកប្រាក់រង្វាន់លើកទឹកចិត្តដែលបានមកពីការ ផ្តល់សេវារដ្ឋបាលសម្រាប់ឧបត្ថម្ភជូនមន្ត្រី បុគ្គលិក មន្ទីរសេដ្ឋកិច្ច ហិរញ្ញវត្ថុខេត្ត ក្រសួងមហាផ្ទៃ និង សង្កាត់ទាំង០៣ សម្រាប់ខែ តុលា ឆ្នាំ២០២២។

១០-បញ្ហាផ្សេងៗ ។

កិច្ចប្រជុំបានរៀបចំធ្វើឡើងនៅសាលប្រជុំសាលា ក្រុងខេមរភូមិន្ទ ។

#ប្រភពពីរដ្ឋបាលក្រុងខេមរភូមិន្ទ#